Наполи имаше очаен старт на сезоната со пораз од 3-0 на гости против Верона. Тренерот Антонио Конте истакна дека тимот се стопил како снег на сонце уште на самиот почеток од дуелот, а упати критики и до раководството дека во клубот многу малку се случуваат позитивни промени, алудирајќи на новите засилувања.
Сепак, две офанзивни имиња треба да пристигнат во Неапол многу брзо. Едниот е веќе таму, Давид Нерес од Бенфика, за кого Наполи ќе плати околу 30 милиони евра.
Многу брзо и Ромелу Лукаку конечно треба да се упати кон југот на Италија и да се стави на располагање на Антонио Конте. Преговорите со Челси се долги, но италијанските медиуми предвидуваат дека на крајот Лукаку ќе го облече дресот на Наполи.
