Спортскиот директор на Наполи, Џовани Мана, призна дека напаѓачот Виктор Осимен изразил желба да го напушти клубот ова лето. Нигериецот не беше вклучен во составот за натпреварот од Купот на Италија против Модена.
„Виктор сака да замине. Имаме играчи во тимот кои можат да го заменат. Осимен е одличен играч, но сакаме да му дадеме приоритет на тимот. Ќе видиме што ќе се случи во наредните 20 дена“, изјави тој за „Медиасет“.
„Знаеме дека нашата летна селекција сè уште не е завршена и работиме за да се обидеме да ги исполниме желбите на нашиот тренер Антонио Конте“, додаде Џовани Мана.
