Македонскиот второлигаш Тетекс го очекува неизвесна и тешка битка за опстанок во Втората лига Запад, а тренерот Славчо Георгиевски и раководството на клубот се обидуваат да го засилат тимот на сите позиции. По неколку одиграни натпревари во текот на подготовките, Сашо Шопоски од денеска и официјално е нов член на „текстилците“. Тој ќе го носи дресот на Тетекс до крајот на сезоната.
23-годишниот стржанец доаѓа од редовите на Брегалница, а претходно настапуваше и за Пелистер, Победа, Тиквеш и за Металург.
