Баерн Минхен и Вест Хем се договорија за трансферот на Нусаир Мазрауи. Десниот бек е блиску до преселба кај „чеканите“, кои се подготвени да платат близу 20 милиони евра за 26-годишниот фудбалер.
Репрезентативецот на Мароко веќе дал согласност да игра за Вест Хем, и останува да се решат последните детали од договорот.
Интерес за Мазрауи има и од Манчестер Јунајтед, но фаворит за негов ангажман е сепак Вест Хем.
Досега мароканскиот дефанзивец во кариерата играше за Ајакс и за Баерн Минхен, а има и 28 натпревари за националниот тим.
