Српскиот вицепрвак Партизан загуби со 6-2 од Динамо Киев во Лублин и има само теоретски шанси да ја надомести оваа негатива на реваншот, во второто квалификациско коло од Лигата на шампионите. „Црно-белите“ наидоа на мотивиран тим, со оглед дека Партизан ги налути Украинците и што неодамна играше пријателски натпревар во Русија.
Салдања од пенал го доведе Партизан во водство во 22.минута, но до крајот на првиот дел Шапаренко во 40.минута, Бражко во 43.минута и Караваев во 45.минута направија целосен пресврт и обезбедија предност за Динамо Киев од 3-1 на полувремето.
Во вториот дел, за Динамо Киев погодија и Кабаев, Попов и Пихалионок, а Салдања постигна уште еден гол за Партизан.
Унгарскиот Ференцварош беше убедлив против ТНС и славеше со 5-0, а Адама Траоре беше стрелец на хет-трик.
Митјиланд на гости ја победи Санта Колома со 0-3, а Малме го победи Клаквик од Фарски Острови со 4-1. Бодо/Глимт со 4-0 го совлада РФС, додека Јагиелонија со идентичен резултат славеше на гости против Паневезис.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski