Бобан Георгиев е нов фудбалер на македонскиот прволигаш Пелистер. Тој треба да ја засили навалната линија во тимот на Влатко Костов.
Бобан Георгиев игра на десната крилна позиција, но истовремено може да ја покрива и левата крилна позиција. Со своето искуство ќе комплетира огромен дел од мозаикот на Костов.
Георгиев доаѓа од екипата на Воска Спорт, а претходно има играно и за Брегалница, Силекс, Радник Сурдулица, Борац Бања Лука и Леотар Требиње.
