Тиквеш го промовираше Мартин Стојанов како ново засилување

Освојувачот на Купот на Македонија, тимот на Тиквеш, доведе уште едно засилување за настапот на европска сцена. Кавадарчани се посилни за Мартин Стојанов, крилниот напаѓач кој во минатото настапуваше за Брегалница и за Кит Го, а пред две години направи трансфер во Септември Софија.

Стојанов сега реши да се врати во Македонија и ја прифати понудата на Тиквеш.

Тимот на Ѓорѓи Мојсов се подготвува за премиерниот настап во Конференциската лига, а утре ќе го дознае и првиот ривал на ждребот на УЕФА.