Реал Мадрид синоќа уште еднаш потврди дека му нема рамен во Европа и во светот.
Со победата од 2-0 над Борусија Дортмунд во финалето на „Вембли“, „кралскиот клуб“ го освои трофејот во Лигата на шампионите по 15. пат во историјата на клубот, со што се оддалечи уште подалеку од своите први конкуренти на листата на освојувачи на најпрестижниот трофеј во Европа.
Реал Мадрид сега има дури осум титули повеќе од второпласираниот Милан, а интересно е што и кога освоените европски титули на „росонерите“ (7) и бројот на трофеите на третопласираниот Баерн (6) се соберат, сепак не би ги стигнале мадриѓаните.
Како што изјави синоќа Флорентино Перез, Лигата на шампионите е натпреварување на Реал Мадрид.
