Тренерот на Атлетико Мадрид, Диего Симеоне, беше разочаран по поразот од Барселона со 0-1. Тој смета дека неговиот тим заслужил повеќе од овој натпревар. Во исто време, сепак, ги критикуваше своите играчи дека не биле доволно наметливи во нападот.
„Реалноста е дека загубивме. Вистина е дека сакавме подобар резултат, но не ни успеа бидејќи не бевме доволно наметливи. Направивме повеќе добри работи отколку лоши на овој меч, меѓутоа сепак наградата не дојде. По неубедливите први 20 минути, потоа се боревме како што посакував. Но, тоа не го промени резултатот“, разочаран е Симеоне.
