Роналдо со реакција откако ја фрли капитенската лента: Ни ја оштетија нацијата!

Кристијано Роналдо постигна гол против Србија во Белград во последните мигови од мечот, топката речиси еден метар беше зад гол – линијата, но судијата Дани Макиеле не го призна погодокот, а во квалификациите за СП 2022 во Катар нема ВАР – технологија.

Роналдо во нервоза ја фрли капитенската лента, а потоа рече дека тоа го направил во моменти на фрустрација затоа што е оштетена целата португалска нација.

„Да бидам капитен на Португалија е голема чест за мене. Секогаш сум го давал максимумот за мојата земја, тоа никогаш нема да се промени. Тешко е да прифатиш кога гледаш дека целата нација ти ја оштетуваат. Одиме кон следниот предизвик“, напиша Роналдо.