Арсенал го продаде крилниот напаѓач Николас Пепе на Трабзонспор. 28-годишниот интернационалец од Брегот на Слоновата Коска ќе се приклучи на турскиот клуб за трансфер од околу 3 милиони фунти, потпишувајќи краткорочен договор до летото 2024 година.
Во 2019 година Арсенал го купи Николас Пепе од Лил за тогаш рекордни 80 милиони евра, но тој не ги оправда големите очекувања. Долго време беше најскапото купување во историјата на лондончани, а дури ова лето трансферот на Деклан Рајс го подобри овој рекорд.
За „топчиите“, Пепе одигра 112 натпревари во сите натпреварувања, на кои постигна 27 гола и забележа 21 асистенција, но по доаѓањето на Микел Артета, играчот се покажа како вишок.
Минатата сезона фудбалерот беше позајмен во Ница, каде на 28 натпревари постигна 8 голови.
Николас Пепе беше пред трансфер во друг турски клуб, Бешикташ, но на крајот Арсенал и „орлите“ не се договорија.
„Дојдов овде да станам шампион и да постигнам успех“, изјави фудбалерот на социјалните мрежи на Трабзонспор.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski