Connect with us

Борец реагира: Јакимовски судеше пенали само за противникот

Фудбалскиот прволигаш Борец реагира на судењето на вчерашниот натпревар против Тиквеш (2-1) во Кавадарци. Велешани нагласуваат дека главен виновник за нивниот пораз е судијата Дејан Јакимовски кој имал различен аршин за судење пенали за двата тима.


Во соопштението на Борец се вели…

Како клуб имаме пет пенали оваа сезона, четири од нив се со директните конкуренти на табелата, тоа се Тиквеш, Струга и Македонија ЃП. Судијата Јакимовски е европски судија, но на мечот со Тиквеш тој досуди пенал кој само тој го виде, а во 92. минута имаше слична ситуација за нашиот Борец, меѓутоа одлучи дека нема можност за најстрога казна.

Ќе поднесеме жалба до Судиската организација при ФФМ за судењето на Јакимовски на овој меч. Трет натпревар по ред ни суди тој и ние на сите три натпревари губиме.

Не е дека целата вина ја вперуваме кон судиите, ние самите сме си виновни за некои од поразите оваа сезона, меѓутоа сметаме дека делителот на „правдата“ има свој удел во поразите. Како на пример, поведовме во Скопје со Македонија ЃП со 0-1, па против нас беа досудени два пенали. Во Кавадарци поведуваме со 0-1, повторно против нас се суди пенал кој само судијата го виде. Револтирани сме како клуб и дефинитивно ќе поднесеме жалба за овој натпревар. Чекаме на епилогот и да видиме како ќе оценат луѓето од ФФМ за овој дуел.


За натпреварот со Академија Пандев каде судија директно влијаеше на примениот гол на Борец, арбитарот доби добра оценка од организацијата и судеше веднаш на друг натпревар за пример судијата на натпреварот ФК Шкупи – ФК Ренова за грешката беше санкциониран, на мечот со Работнички судијата исто така направи грешка и беше добро оценет. Сега, да видиме дали и овој судија ќе биде добро оценет.

Дали фудбалот кај нас треба да се игра за судиите и на кој му смета Велес да има прволигашки фудбал.

Ние како клуб реагираме за недусениот пенал на Крста Џорџевиќ во 92 минута.

И уште еднаш прашуваме како е можно судија кој не се појавил на тестирање, истиот да биде делегиран за денешниот натправар и кој ќе сноси одговорноста.

Advertisement
Advertisement
Advertisement

Facebook

Тимови