Лидерот на табелата Шкупи е пред освојување на титулата, со оглед на убедливата бодовна предност на табелата. Но, тимот на Гоце Седлоски нема да се опушти до крајот, се додека и математички не го обезбеди трофејот.
На Чаир денеска (15 часот) пристигнува Тиквеш, а плејмејкерот Фреди Алварез најавува нов триумф.
„Мислам дека сме одлично подготвени, а паузата ја искористивме и да одиграме пријателски натпревар. Знам дека нема да биде лесно против тим како Тиквеш, но пред нашите навивачи на Чаир се чувствуваме посилни и верувам дека ќе ја продолжиме серијата позитивни резултати“, изјави Алварез.
Шкендија во Тетово ќе биде домаќин на Борец. Во тимот на Бруно Акраповиќ се враќа и капитенот Егзон Бејтулаи, а оптимизмот го пренесе левиот бек Михаил Маневски.
„На последните два натпревари остваривме две победи, но важно е што прикажавме и убедлива игра. По оваа двонеделна пауза, сигурно сакаме да продолжиме во исто темпо. Против Борец игравме во февруари на почетокот на пролетната сезона и победивме со 3-0. Во тимот владее добра атмосфера и верувам дека ќе го достигнеме нивото што го посакуваме и што навивачите го очекуваат од нас. Секако, нашата цел е победа на денешниот меч“, истакнува Маневски.
Академија Пандев исто така е голем фаворит на дуелот со Скопје во Струмица, а Брегалница на теренот на ФФМ ќе ја пречека Ренова поради реновирање на тревникот на Градскиот стадион во Штип.
Македонија ЃП во Ѓорче Петров ќе го пречека последнопласираниот Пелистер, а вчера Струга Трим Лум славеше против Работнички со 1-3.
ДВОЈКИ ПРВА ЛИГА, 25.КОЛО
ШКУПИ – ТИКВЕШ
ШКЕНДИЈА – БОРЕЦ
АКАДЕМИЈА ПАНДЕВ – СКОПЈЕ
МАКЕДОНИЈА ЃП – ПЕЛИСТЕР
БРЕГАЛНИЦА – РЕНОВА
ВЧЕРА: РАБОТНИЧКИ – СТРУГА ТРИМ ЛУМ 1-3
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski