Тренерот на Реал Мадрид, Зинедин Зидан, по два негативни теста на Ковид-19 излезе од изолација и се врати на тренинзите со тимот. Тој го надмина коронавирусот и продоли со работа. Но, најновата информација од „Сантијаго Бернабеу“ е дека првиот човек на клубот, претседателот Флорентино Перез е позитивен на Ковид-19.
Тој е во самоизолација и ќе мора да мирува без социјални контакти во наредните две седмици.
Фудбалерите на Реал Мадрид со тренерот Зинедин Зидан се подготвуваат за следниот предизвик, дуелот со Хуеска в сабота, откако непријатно беа изненадени од Леванте во минатото коло.
