Македонскиот репрезентативен голман Столе Димитриевски би можел да ја напушти Валенсија поради недостаток на вистинска шанса за настап.
Според информациите на новинарот Матео Морето, за 30-годишниот чувар на мрежата сериозен интерес покажува турскиот гигант Фенербахче, каде Жозе Мурињо го гледа како потенцијална замена за Доминик Ливаковиќ.
Освен гигантот од Истанбул, за Димитриевски се интересираат и францускиот прволигаш Лил и италијанскиот калчолигаш Џенова. Голманот, кој е незадоволен од својата улога во Валенсија, наводно нема ништо против трансфер, бидејќи приоритет му е редовната минутажа.
Димитриевски пристигна на „Месталја“ од Рајо Ваљекано, но досега не успеа да се наметне и да ја добие довербата на стручниот штаб.
