МАКФУДБАЛ во Тбилиси,
Македонија загуби од Грузија со 2-0 во Тбилиси, а останува впечатокот дека одигра добро и веројатно заслужи повеќе од тоа. Но, сепак, во европскиот фудбал грешки не се простуваат.
Дефанзивецот Ѓоко Зајков одигра квалитетен меч.
Тој вели дека Македонија заслужи резултатски да мине подобро во Тбилиси, затоа што доминираше во поле. Се надева дека многу подобар исход ќе следи на дуелот против Бугарија во Скопје в понеделник.
„Да им честитам на Грузијците за победата, иако ние заслуживме многу повеќе од пораз. Доминиравме на теренот, но фудбалот е таков, противникот си ги искористи своите шанси. Сега не очекува меч против Бугарија, тоа ќе биде посебен натпревар, ќе играме за чест и за гордост и за да ги израдуваме нашите навивачи со нова победа“, изјави Зајков.
