Втора МФЛ: Беласица го совлада Тетекс со 0-1

Во единствениот денешен натпревар од Втората македонска фудбалска лига, Беласица славеше минимална победа од 0-1 против Тетекс како гостин во Јегуновце.

Натпреварот немаше многу шанси, а единствениот гол падна по само неколку минути игра, кога струмичкиот тим поведе со прецизен удар на Коцев по земја од работ на шеснаесетникот.

Со оваа победа, Беласица заработи три важни бода и се израмни со Брегалница на врвот на табелата со по 16 бодови, додека Шкендија Арачиново е на третото место со 14 бода.