Велазерими по голема битка успеа да слави со 1-2 на гостувањето во Охрид, растурајќи ја „забавата“ на охриѓани за камбекот во втората лига. Во тврд меч без многу шанси беа постигнати три гола, од кои оној третиот во самиот финиш од мечот, кога Ибраими со удар со глава им донесе три бода на гостинските фудбалери.
Кадино исто така имаше неуспешно деби во овој ранг на натпреварување откако новиот второлигаш имаше водство од 1-0, но на крајот загуби од Лабуништа со 1-2.
Пелистер рутински триумфираше пред своите гледачи над Вардар Форино со 3-0, а Дрита по голема битка дојде до големи три бода на гостувањето против Гостивар (3-4). Во последниот натпревар од првото коло во Втората лига – Запад, Кораби и Скопје ремизираа 2-2.
фото: ohridnews.com
