Брегалница и Шкендија Арачиново целосно ја оправдаа улогата на фаворити во 15. коло од Втората лига. Со денешните победи, двата тима кои се борат за влез во Првата лига се вратија на победничките патеки, а новиот второлигаш од Арачиново со освоените три бода ја зацврсти првата позиција и ја обезбеди титулата есенски шампион.
На стадионот во Синѓелиќ, каде што натпреварот се играше без присуство на публика, домашната Шкендија без поголем отпор го победи составот на Саса Каменица со 2-0. Амир Нухија го отвори резултатот, а Ливарека во вториот дел ја затресе гостинската мрежа и го постави конечниот резултат.
Брегалница пак беше уште поубедлива, совладувајќи ја Победа во Прилеп со високи 0-4. Штипјани ја решија средбата уште до паузата со два погодоци на Демири и на Калпачки, а во продолжението ги искористија грешките на домашната одбрана и уште двапати ја погодија мрежата преку Михолов и Тасев. Со оваа победа, Брегалница ќе ја заврши есенвата сезона на второто место, со два бода помалку од лидерот Шкендија Арачиново.
Охрид е третопласиран со пет бода помалку, но има два натпревари заостанати. Теоретски, Охрид може да биде и пред Шкендија Арачиново, но одложените мечеви ќе се играта напролет, што значи дека Арачиново сигурно ќе презими на врвот.
Утре во Струмица треба да играат Беласица и Преспа.
