„Дербито на Македонија“, вечниот дуел на Пелистер и на Вардар го окупира вниманието на македонската фудбалска јавност во текот на денешниот ден. За првпат во второлигашка конкуренција, и на отворање на новата трибина на стадионот „Петар Милошевски“, фудбалерите на Пелистер ќе го пречекаат лидерот Вардар, а дербито ќе го разубават и двете навивачки групи, Чкембари и Комити.
Како во старите добри времиња, со една многу важна разлика, дека и двата клуба сега се многу далеку од врвот на македонскиот фудбал. Пелистер се надева дека со евентуален триумф ќе се врати во трката за пласман во елитата, а Вардар сака да остане непоразен и по можност, да го задржи врвот на табелата.
Воска Спорт има тешко гостување кај Детонит Плачковица, кој има одличен тим, па и амбиции да се вмеша во трката за врвот. Гостивар има релативно лесна задача, да освои три бода на гостувањето против Борец во Велес и ќе ја чека разврската на конкурентите.
Беласица ќе гостува кај Арсими, а Локомотива Пехчево ја пречекува Каменица Саса. Кожуф е фаворит на дуелот со Тетекс, додека Охрид ќе биде домаќин на Слога Виница. Караорман ќе се сретне со тимот на Беса.
Натпреварите се закажани за 13 часот.
-
Ексклузивна колумна на Филип Лам: Франц Бекенбауер и наследството што ни го остави
Годината започнува многу тажно. Почина Франц Бекенбауер. На германскиот фудбал му даде повеќе од...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski