Connect with us

ВТОРА ЛИГА – ИСТОК: Кикс на Тиквеш на домашен терен, Победа повторно убедлива

Тиквеш не успеа победнички да продолжи на стартот од сезоната во Втората лига – Исток ремизирајќи (1-1) во 2. коло од шампионатот на домашен терен со гевгелиски Кожуф.

Кавадарчани поведоа со голот на Лука Трајковски во 31. минута од средбата, но Кожуф израмни од пенал во 85. минута.

Фудбалерите на Кит Го ремизираа (3-3) со Осогово на домашен терен иако имаа предност и од 3-1 до финишот од средбата.

Пехчевци до предност дојдоа благодарение на головите на Дујовски и Мичкоски во првото полувреме, како и Дарко Алексовски од пенал во 54. минута. За кочанци стрелаше Стојанче Велинов во првиот дел, за да во драматичен финиш дојдат до бод благодарение на головите на Манов во 82. минута и Иванов во 87. минута.

Победа продолжува да гази на стартот од сезоната со нов убедлив триумф, овој пат од 3-0 против Росоман, додека Слога Виница славеше со 2-1 во пресметката против Каменица Саса.

РЕЗУЛТАТИ – 2. КОЛО
Тиквеш – Кожуф 1-1
Кит Го – Осогово 3-3
Победа – Росоман 3-0
Слога Виница – Каменица Саса 2-1
ВЧЕРА
Брегалница – Плачковица 3-1

Advertisement
Advertisement
Advertisement

Facebook

Тимови