Фудбалскиот прволигаш Воска Спорт ја доби казната поради скандалот на натпреварот од 28. коло во Првата македонска фудбалска лига против Вардар. Клубот ќе биде санкциониран со одземање на 9 бода од тековната сезона, како и парична казна од 2.500 евра, поради напуштање на натпреварот.
Дополнително, поради лошата организација на истиот натпревар, Воска Спорт ќе мора да плати и казна од 5.000 евра.
Најстрого е казнет претседателот на клубот, Нефи Усеини, кој доби двегодишна забрана за вршење функција и казна од 1.500 евра поради повикување на екипата да се повлече од теренот.
И тренерот Арбри Клодиан доби двегодишна суспензија, додека капитенот Агон Хани ќе мора да одмори од натпревари еден месец.
