Фудбалската федерација на Македонија информираше дека од денеска во продажба се билетите за гостинскиот натпревар на македонската А репрезентација против Словенија во рамките на новиот циклус од Лигата на нации. кој ќе се одигра во Љубљана. Билетите се пуштени во продажба преку официјалната платформа на ФФМ eticket.ffm.mk.
Дуелот меѓу Словенија и Македонија е закажан за 29 септември 2026 година на стадионот „Стожице“ во Љубљана, со почеток од 20:45 часот.
За македонските навивачи е обезбеден посебен сектор, а билетите за гостинската трибина веќе се достапни по цена од 1.600 денари.
Очекувањата се дека билетите за македонскиот сектор брзо ќе бидат распродадени, особено поради големиот број македонски иселеници кои живеат во Словенија и регионот.
Овој натпревар ќе следи само три дена по домашниот дуел со Швајцарија. Избраниците на селекторот Гоце Седлоски на 26 септември ќе ја пречекаат Швајцарија, а потоа ќе отпатуваат за Љубљана на вториот натпревар од циклусот.
Пред македонските репрезентативци е исклучително важен септемвриски период, а поддршката од трибините ќе биде еден од значајните фактори во двата натпревари.
