Влатко Костов и официјално е нов шеф на стручниот штаб на Тиквеш. Со раководството на Тиквеш се договори за двегодишна соработка, а првата изјава ја даде за МАКФУДБАЛ.
„Се нафатив на предизвикот со Тиквеш да се вратам во тренерските води во македонскиот фудбал. Со раководството имавме коректни разговори, оваа сезона целта е да обезбедиме опстанок, а следната ќе размислуваме и за многу повеќе. Но, да одиме чекор по чекор. Бев на страна одреден период, малку и разочаран од случувањата во македонскиот фудбал, но добив коректна понуда од Тиквеш и за мене е тоа голем предизвик. Го одржав денеска првиот тренинг, ќе работиме напорно и се надевам дека ќе имаме успеси“, изјави за Макфудбал, Влатко Костов.
Тиквеш в недела ќе гостува во Штип и ќе ги одмери силите со Брегалница во седмото коло од Првата лига.
