Брегалница и Кит Го ремизираа (1-1) во дерби пресметката од 21. коло во Втората лига – Исток.
Реално реми, ако се погледнат 90 минути игра. На натпреварот кој се одигра на Градскиот стадион во Велес, поради реконструкцијата на стадионот во Штип, Брегалница дојде до водство со голот на Ристе Наумов во 55. минута. А, Кит Го израмни во 74. минута со прекрасниот погодок на Иван Настевски кој погоди со шут од околу 18 метри стрелајќи ниско по земја во долниот лев агол од голот на „сините“…
