Вест Хем освои голем бод на гостувањето кај Манчестер Јунајтед (1-1) во натпреварот од 14. коло во Премиер – лигата.
Головите паднаа во второто полувреме. Прво Јунајтед поведе со голот на Португалецот Диого Далот, кој стрелаше во 58. минута и ја израдува публиката на „Олд Трафорд“. Се чинеше дека „ѓаволите“ се во добар налет, но повторно испливаа на површина дефанзивните слабости на тимот, кој не реагираше најдобро и дозволи погодок за „чеканите“ во 84. минута.
Првиот премиерлигашки гол на Сунгуту Магаса ги разгоре гостинските фанови.
Избраниците на Рубен Аморим притиснаа во финишот, но иницијативата беше јалова и делуваше како сите да чекаат индивидуален момент на инспирација.
Во следното коло „чеканите“ ќе гостуваат кај незгодниот Брајтон, додека Манчестер Јунајтед ќе биде голем фаворит на гостувањето кај последнопласираниот Вулверхемптон.
