Вест Хем засега нема намера да прави промена на тренерската позиција и ќе продолжи да му укажува доверба на Нуно Еспирито Санто, пренесува „Скај Спортс“. Португалскиот стратег се очекува да остане на клупата на „чеканите“ и покрај фактот што тимот веќе 10 натпревари по ред нема забележано победа.
Лондонскиот клуб доживеа порази и од директните конкуренти на дното на табелата, Вулверхемптон и Нотингем Форест. Сепак, настапот во поразот од 1-2 против Форест бил оценет како чекор напред, при што Вест Хем беше поразен поради спорна пенал-одлука во самата завршница, во 89. минута.
По 21 одигран натпревар во Премиер – лигата, екипата на Нуно Еспирито Санто се наоѓа на 18. место со 14 освоени бодови, што е седум помалку од зоната за опстанок.
