Вељко Пауновиќ и официјално стана селектор на фудбалската репрезентација на Србија, јавува Танјуг.
Според информациите, Пауновиќ во Стара Пазова потпиша договор со раководството на Фудбалскиот сојуз на Србија до 2030 година и ќе има проширени овластувања во однос на сите српски репрезентативни селекции.
Со тоа, Пауновиќ ќе ја предводи Србија во квалификациите за Европското првенство 2028 година, Светското првенство 2030 година, како и во сите циклуси од Лигата на нации во овој период.
Краткорочно, тој ја презеде репрезентацијата по заминувањето на Драган Стојковиќ, кој се повлече по тежок пораз од Албанија во Лесковац, a резултат што ја чинеше Србија место во баражот за следното Светско првенство.
Пауновиќ ја водеше Србија на два натпревара во ноември: пораз од Англија на „Вембли“ (2-0) и победа над Летонија во Лесковац (2-1). Овие резултати не беа доволни да ги исправат претходните пропусти, па Србија нема да учествува на Мундијалот.
Со ова именување, Пауновиќ станува 12. селектор во историјата на српската репрезентација.
