И официјално се познати сите членови на вторите лиги за сезоната 2020/21, откако беа пополнети и последните места за кои требаше да се играат баражи, но истите беа откажани поради позитивни случаи на Ковид-19 кај дел од клубовите.
На „западот“ последното место се пополнуваше со ждрепка, во конкуренција беа Велешта, Чаклани и Фортуна, а најсреќни во извлекувањето беа во таборот на Велешта, па овој клуб во следната сезона ќе се натпреварува во второлигашка конкуренција.
Што се однесува до Втората лига – Исток, Натпреварувачката комисија во ФФМ донесе одлука екипите на ФК Росоман и ФК Слога Виница да бидат дел од Втора МФЛ – Исток. Одлуката е донесена откако ФК Питу Гули го откажа своето учество од Втора МФЛ и натпреварувањето ќе го продолжи во Трета МФЛ – Централен регион.
