Есенскиот првак Вардар ги стартуваше подготовките за продолжението од сезоната, откако денеска во тренинг-центарот „Хиподром“ го одржа првиот собир во новата 2026 година.
Фудбалерите на „црвено-црните“ во 11 часот истрчаа на терен и одработија тренинг во вистинска зимска атмосфера.
На првата прозивка не се појавија странските фудбалери Роџерс Мато, Фаустин Сенхор, Ибрахим Олаосебикан и Ворен Чимпембе, кои во наредниот период треба да му се приклучат на тимот.
Вардар ќе ја мине првата фаза од подготовките во Скопје, а на 13 јануари заминува на подготовки во Анталија, каде што ќе остане до 3 февруари. За време на престојот во Турција се планирани и неколку контролни натпревари со меѓународни противници.
