Најтрофејниот македонски клуб Вардар доживеа пораз од украинскиот тим Верес Ривне на подготовките во Анталија. Стрелец на голот за Вардар беше Џибрил Дијанеси од пенал кој беше направен врз новиот играч Касим Роџерс Мато во 83. минута.
Двата тима овој натпревар го започнаа со комбинирани состави, а Верес оствари водство од 2-0, по што Црвено-црните постигнаа погодок за намалување на резултатот, што се покажа и како конечен епилог.
За два дена Вардар ќе одигра уште еден пријателски натпревар со унгарскиот тим Чаквар Аквитал.
