Вардар денеска доживеа пораз на пријателскиот натпревар против Престон Лајонс, македонски клуб од Австралија, одигран на тренинг комплексот „Петар Милошевски“ во Скопје. Натпреварот заврши со резултат 2-4 во корист на гостите.
Први поведоа гостите, но Едиз Спахиу успеа да израмни на 1-1. Во второто полувреме Престон повторно се одлепи со 1-3, а Спахиу постигна свој втор гол за 2-3. На крајот, гостите го заокружија резултатот со конечни 2-4.
Престон Лајонс ќе одигра уште еден пријателски меч во Македонија, овој пат против Пелистер во Битола, во четврток.
