Најтрофејниот македонски клуб Вардар објави дека поради зголемениот интерес од повеќе странски клубови за фудбалерот Роџерс Мато, раководството одлучи да постави откупна клаузула од 1.500.000 евра.
„Оваа одлука е донесена со цел да се заштитат спортските и финансиските интереси на клубот и е во согласност со нашата долгорочна стратегија. Вардар внимателно го следи развојот на ситуацијата околу играчот и ќе постапува согласно своите политики и цели“, стои во соопштението на клубот.
Клубот додава дека ќе продолжи со отворена комуникација со јавноста и навремено ќе ги информира навивачите и медиумите за сите значајни новости поврзани со играчот.
