Најтрофејниот македонски клуб Вардар и српскиот првак Црвена Звезда, клубот кој е поранешен светски и европски првак, единствен од таков ранг во регионот, ќе одиграат пријателски хуманитарен меч на 16 април во Скопје, а средствата собрани од овој спектакл ќе бидат донирани за семејствата на настраданите во огромната трагедија во Кочани.
Релацијата меѓу двата клуба секако е силна, тука се Дарко Панчев и Илија Најдоски, кои имаат одлични односи и ги носеа дресовите на двата клуба, а со Црвена Звезда станаа светски и европски клупски прваци.
Денеска и селекторот на Србија, Драган Стојковиќ Пикси, најави дека ќе предложи да се одигра пријателски хуманитарен натпревар меѓу селекциите на Србија и на Македонија.
