Стартува третиот круг од Првата фудбалска лига, а пред нас е интересно 23. коло. Во фокусот е дербито во Кратово меѓу Силекс и Вардар.
Ќе биде возбудливо да се види дали Вардар ќе успее повторно да го надигра Силекс, откако го елиминираше од Купот. Домаќините се умерени фаворити затоа што играат на свој терен, но Вардар со засилувањата од зимскиот преоден рок има свои шанси за успех.
Шкендија и Струга ТЛ влегуваат како големи фаворити во нивните дуели. Лидерот ќе се обиде да се врати во победнички ритам и да ја продолжи доминацијата против Пелистер, додека Струга ТЛ на домашен терен против Воска сака да остане во трка за врвот.
Шкупи на Чаир ќе се соочи со Беса, а Гостивар ќе биде домаќин на Брера. Домаќините, барем на хартија пред мечот, се многу поблиску до освојувањето на трите бода, но ќе треба да одиграат и да го потврдат квалитетот и на терен.
Колото ќе се заокружи утре со мечот меѓу Работнички и Тиквеш, кој исто така носи своја неизвесност.
ДВОЈКИ ПРВА ЛИГА, 23.КОЛО (денеска, 14 часот)
СИЛЕКС – ВАРДАР
ШКЕНДИЈА – ПЕЛИСТЕР
СТРУГА ТЛ – ВОСКА
ШКУПИ – БЕСА
ГОСТИВАР – БРЕРА
УТРЕ: РАБОТНИЧКИ – ТИКВЕШ
