Македонскиот шампион Вардар направи голем подвиг во Финска, го совлада КуПС со 0-2 и целосно ја анулира негативата од првиот натпревар во Скопје. Победникот и патникот во следното квалификациско коло од Лигата на шампионите ќе биде решен по продолженијата.
По првото полувреме во Куопио немаше голови, но Вардар заигра многу подобро во продолжението и покажа карактер кога беше најпотребно.
„Црвено-црните“ поведоа во 59. минута со голот на Азер Омерагиќ. Погодокот им даде дополнителна самодоверба на избраниците на Кристијан Фабијани, кои продолжија да притискаат во потрага по втор гол.
Драмата кулминираше во 90. минута, кога Герсон Родригез беше фаулиран во шеснаесетникот. По интервенција на ВАР беше досуден пенал за Вардар, а одговорноста ја презеде Горан Закариќ. Тој беше сигурен од белата точка и го совлада домашниот голман Јоханес Крејдл за 0-2.
Со овој резултат Вардар ја израмни вкупната предност на КуПС од првиот натпревар, па во Куопио ќе се играат продолженија во кои ќе биде решен патникот во следното квалификациско коло од Лигата на шампионите.
Фото: Johanna Pelttari
