Вардар ако ја мине Лозана, би можел да игра со Спарта Прага, Омонија, Астана, Рига, Спартак Трнава

Најтрофејниот македонски клуб Вардар утрово го дозна скратениот список на потенцијални ривали со кои би можел да игра во третата рунда од квалификациите во Конференциската лига, доколку во второто коло го елиминира швајцарскиот клуб Лозана.

Меѓу петте потенцијални противници се победниците од дуелите од втората рунда Актобе (Казахстан) – Спарта Прага (Чешка), Омонија (Кипар) – Торпедо Кутаиси (Грузија), Зимбру (Молдавија) – Астана (Казахстан), Рига (Летонија) – Дила Гори (Грузија), Хибернијанс (Малта) – Спартак Трнава (Словачка).

Ждребот за Конференциската лига ќе се одржи во 14 часот во Нион.