Варан со два гола му донесе триумф на Реал против Хуеска (ВИДЕО)

Реал Мадрид остана без капитенот Серхио Рамос, кој замина на операција на менискусот на коленото, но блесна Рафаел Варан и со два гола донесе триумф за „кралевите“ на гостувањето кај Хуеска. 

Хавиер Галан на самиот почеток на второто полувреме го изненади Реал Мадрид и донесе предност за Хуеска. Погоди во 48.минута од мечот. Но, седум минути подоцна Рафаел Варан успеа да израмни. Во финишот францускиот дефанзивец уште еднаш се запиша меѓу стрелците и донесе триумф за составот на Зинедин Зидан.