Ливерпул е на чекор до големи вести — Мохамед Салах наскоро ќе стави потпис на нов договор со клубот. Според информациите на реномираниот трансфер експерт Фабрицио Романо и новинарот на „Тајмс“, Пол Џојс, преговорите се во својата финална фаза и наскоро ќе завршат успешно.
Истото важи и за капитенот Вирџил ван Дајк. Тој неодамна откри дека разговорите со клубот напредуваат во позитивна насока, што дополнително ги охрабри фановите.
Овие вести сигурно ќе донесат олеснување за навивачите и новиот менаџер Арне Слот, кои цела сезона беа во неизвесност дали клучните фудбалери ќе останат на „Енфилд“. Сега, изгледа дека само Трент Александер-Арнолд ќе замине — и тоа најверојатно во Реал Мадрид како слободен агент.
Салах одбил огромна понуда од Саудиска Арабија и дури прифатил благо намалување на својата сегашна плата, само за да добие подолгорочен договор со „црвените“.
