Тренерот на Реал Мадрид, Чаби Алонсо, ги воодушеви навивачите на „кралскиот клуб“ откако потврди дека Килијан Мбапе се опоравил од повредата и веднаш по завршувањето на синоќешниот натпревар отпатувал од Мадрид кон Саудиска Арабија.
Иако периодот на опоравување на Мбапе требаше да трае три недели, Французинот чудесно закрепнал за само девет дена, а Алонсо потврди дека тој би можел да игра во финалето против Барселона.
„Килијан Мбапе се чувствува многу подобро. Се чувствува одлично и веќе утре ќе ни се приклучи. Да, може да игра против Барселона“, изјави тренерот на Реал по вчерашниот натпревар.
Мбапе не отпатувал веднаш со тимот во Саудиска Арабија за да не се ризикува премногу, па било одлучено дека ќе пристигне во Џеда само доколку Реал се пласира во финалето и таму игра против Барселона.
Откако се оствари таквото сценарио, Мбапе веднаш по завршувањето на вчерашниот натпревар заминал на аеродром и отпатувал кон Саудиска Арабија.
