Претседателот на турскиот фудбалски гигант Фенербахче, Садетин Саран, e приведен вечерва во клупските простории, соопштија од клубот. Од Фенербахче појаснуваат дека станува збор за постапка во рамки на тековна истрага.
Претходно, турските медиуми објавија дека Саран бил позитивен на тест за наркотици, направен како дел од истрага поврзана со наводно ширење на недозволени супстанци.
Клупското раководство се огласи со официјално соопштение во кое изрази целосна поддршка и доверба дека нивниот прв човек ќе ја надмине оваа ситуација со „разум и цврстина“.
„Активностите во интерес на клубот продолжуваат непречено. Убедени сме дека г-дин Саран наскоро ќе го остави овој период зад себе и ќе продолжи посветено да работи за иднината на Фенербахче“, се наведува во соопштението на „жолто-сините“.
