Селекторот на Англија, Томас Тухел, зборуваше по победата на неговиот тим со 3-0 против Летонија во квалификацискиот натпревар за Светското првенство 2026 во САД, Мексико и Канада.
„Натпреварот не беше лесен. Видовме многу добри моменти и создадовме убави шанси. Задоволен сум од посветеноста, енергијата и желбата на играчите“, изјави Тухел.
Ова беше втора последователна победа за „трите лава“, кои минатата недела славеа со 2-0 против Албанија.
„Го познавам Рис Џејмс, тој има неверојатни способности. Има целосно право да биде горд и задоволен од својата игра. Во одлична форма е, игра остро и нема никакво сомневање во неговите квалитети“, додаде Тухел.
Со освоените три бода, Англија се искачи на првото место во својата квалификациска група „К“.
