Селекторот на Англија, Томас Тухел, не беше целосно задоволен од настапот на тимот на квалификацискиот меч за СП 2026 против Албанија. „Трите лава“ победија со 2-0 на официјалното деби на Германецот, но тој забележа многу слабости во играта на своите избраници.
„Можеме и мораме да играме подобро. Почнавме силно. Во првите 7-8 минути имавме 100% посед на топката, многу додавања и потребната енергија“, изјави Тухел.
„Тешко беше да ја пробиеме одбраната на Албанците бидејќи се бранеа во длабок блок. На ЕВРО 2024, Албанија не дозволи чиста шанса пред својот гол. Во второто полувреме бевме премногу бавни и не трчавме доволно со топката“, додаде селекторот на Англија.
Тухел ја презеде Англија на 1 јануари, а претходно последен пат го водеше Баерн Минхен. Неговиот договор со ФА на Англија важи до крајот на Светското првенство 2026.
