Српскиот првак Црвена Звезда вечерва го игра реванш мечот на „Сан Сиро“ против Милан во 1/16-финалето на Лигата на Европа, а спортскиот директор Митар Мркела не отпатува со „црвено-белите“. Тој пред заминувањето за Милано ги почувствувал симптомите на коронавирусот и останал во Белград, а веднаш е хоспитализиран.
Мркела е задржан во клиника поради внимателност, со оглед дека во минатото имал и срцеви проблеми.
Црвена Звезда на првиот меч во Белград одигра 2-2 против италијанскиот калчолигаш Милан.
