Белгискиот офанзивец Леандро Тросар постигна договор за продолжување на својот договор со Арсенал, објави клубот. Новите услови подразбираат значително зголемување на платата за 30-годишниот фудбалер, но рокот на договорот останува непроменет – до 2027 година.
Тросар се приклучи на Арсенал во јануари 2023 година од Брајтон, а претходно заработуваше околу 104.000 евра неделно. Според британските медиуми, новиот договор може да му донесе двојно поголема плата.
Во минатата сезона (2024/25), Тросар одигра 38 натпревари во Премиер – лигата, постигнувајќи осум голови и седум асистенции. На првиот натпревар од новата сезона 2025/26 против Манчестер Јунајтед (0-1), тој започна од клупата за резерви.
