Валенсија запиша значајна победа како гостин кај Леванте (0-2) и се искачи на 14. позиција со 24 бода, оставајќи ги навивачите да „дишат“ малку полесно. Сепак, „лилјаците“ сѐ уште ќе водат жестока борба за опстанок до крајот на сезоната.
Столе Димитриевски повторно беше ѕвезда на теренот, зачувајќи чиста мрежа, додека офанзивата во второто полувреме ја покажа својата моќ. Ларги Рамазани ја отвори серијата голови во 64. минута, а Умар Садик ја потврди победата со гол дваесетина минути подоцна.
Со овој пораз, Леванте останува на претпоследното место и со сѐ помали шанси да обезбеди опстанок во елитата следната сезона.
