Фиорентина најверојатно ќе го назначи Рафаеле Паладино за нов тренер. Тренерот, кој оваа сезона ја предводи Монца, на функцијата ќе го замени Винченцо Италијано, пренесуваат медиумите во Италија.
Договорот за талентираниот италијански тренер кој ќе си замине од Монца е речиси готов и се очекува официјално да биде објавен во наредните денови.
Паладино беше поврзуван со неколку клубови низ Европа, но се одлучи да им се приклучи на „виолетовите“.
Минатата сезона, тој ја одведе Монца до 12. место во Серија А, држејќи го тимот далеку од зоната за испаѓање.
