Connect with us

Тренерот Марјан Секуловски замина од Брегалница

Брегалница и Марјан Секуловски се разделија. Тој нема да ја води Брегалница во вториот дел од сезоната откако спогодбено го раскина договорот со штипскиот прволигаш.


„ФК Брегалница пред стартот на зимските подготовки за пролетниот дел од шампионатот постигна договор за спогодбена разделба со досегашниот шеф на стручниот штаб, Марјан Секуловски. Разделбата е на барање на Секуловски, поради лични причини, и покрај искрената желба од двете страни за продолжување на досегашната повеќе од успешна соработка. Комплетниот колектив на ФК Брегалница, почнувајќи од сопственикот, раководството па се до фудбалерите, искрено благодари на Секуловски за се што направи за клубот во изминатиов период.

Под водство на Марјан Секуловски, Брегалница несомнено беше подигната на ниво повисоко во фудбалскиот развој издвојувајќи се во елитата на домашната фудбалска сцена. Со Секуловски на чело на екипата, како исклучително докажан фудбалски стратег, беше изборен пласман во Првата македонска фудбалска лига, а изминатава полусезона со освојувањето на четвртото место по есенскиот дел од ПМФЛ беше запишан најдобриот резултат во историјата на клубот.

ФК Брегалница му посакува многу успех на Марјан Секуловски во иднина, низ желбата за повторно активирање во професионалната кариера“, објави Брегалница на клупската веб сајт.

Advertisement
Advertisement
Advertisement

Facebook

Тимови