Второлигашот Гостивар очигледно има прволигашки амбиции за следната сезона во Втората лига Запад. Ако се суди според активноста во летниот преоден рок, гостиварци ќе атакуваат на пласман во елитата.
По Христијан Кировски кој вчера беше промовиран како големо засилување за навалната линија, Гостивар денеска го претстави Трајче Стојковски. Искусниот дефанзивец кој ја носеше капитенската лента на Борец идната сезона ќе настапува во дресот на Гостивар.
