Тотенхем се поврзува со амбициозен потег за доведување на централниот напаѓач на Галатасарај, Виктор Осимен. Според информациите, англискиот клуб е подготвен за понуда во вредност меѓу 50 и 55 милиони фунти, но турскиот шампион инсистира на сума блиска до 65 милиони фунти. Оваа цена изгледа реалистична, со оглед на долгиот договор на напаѓачот и неговата клучна улога во Истанбул, открива „Caughtoffside“.
Тотенхем има потреба од квалитетен напаѓач, бидејќи иднината на Ришарлисон останува неизвесна, а Доминик Соланке не ги реши целосно проблемите на тимот во нападот.
Доведувањето на експлозивна и агресивна „деветка“ би му дало на Де Зерби природен фокус во неговиот систем базиран на посед на топката.
Извори блиски до Осимен открија дека Тотенхем добил зелено светло да започне официјални преговори и верува дека личните услови на играчот нема да претставуваат сериозна пречка.
Нигерискиот репрезентативец постигна 41 гол и забележа 10 асистенции на 52 натпревари за турскиот гигант минатата сезона, статистика која објаснува зошто Де Зерби го смета за клучен трансфер.
Селекторот на Нигерија, Ерик Шел, дури го нарече Осимен „најдобриот напаѓач во светот“. Во овој момент нема официјално барање или директен контакт меѓу Тотенхем и Галатасарај.
